腳印

亞B出咗世之後，去街唔可以去得遠，又唔可以去得耐。因為每兩個半至三個鐘就要餵奶，加埋換尿片、餵奶、掃風都要成粒鐘。所以都唔想周圍去！
今個long weekend冇去邊，都只係去吓行mall、買吓餸。最特別就係幫亞B整石膏模，用舊軟膠搓圓，再壓落佢隻手仔同腳仔。其實一啲都唔易，如果佢啲手指仔腳指仔郁咗或印得唔夠深嘅話，就要再壓過！跟住倒石膏漿入個軟膠模到等半個鐘，個石膏模就成形。我就再用即棄指甲挫磨返滑個邊。大功告成！